त्रिवेणी छोटी भन्सारद्वारा सेवा विस्तार


गण्डकी प्रदेशको भारतसँग सिमाना जोडिएको एक मात्र नाका पूर्वी नवलपरासीको त्रिवेणीस्थित त्रिवेणी छोटी भन्सार कार्यालयले जाँचपास सामानको भन्सार राजश्व संकलन कार्यको शुरुआत गरेको छ। पूर्वी नवलपरासीको त्रिवेणीस्थित छोटी भन्सार कार्यालयले रु २५ हजार बराबरसम्मको जाँचपास सेवाको शुरुआत गरेको हो।

यसअगाडि सामानको भन्सार राजश्व संकलन जाँचपास नहुने गरेको यस छोटी भन्सार कार्यालयले पहिलो पटक न्यूनतम रकमबाटै भन्सार राजश्व संकलन सेवा शुरु गरेको हो। सो कार्यालयबाट रु २५ हजार बराबरसम्मको राजश्व संकलन कार्य शुरु गरिएको महेशपुर मूल भन्सार कार्यालयका प्रमुख हेमचन्द्र शर्माले बताए।  यो कार्यसँगै गण्डक प्रदेशका व्यापारीलाई केही सहज हुने अपेक्षा गरिएको छ। महेशपुर मूल भन्सारअन्तर्गत पूर्वी नवलपरासीको त्रिवेणी छोटी भन्सार कार्यालयसमेत पर्दछ।

त्यहाँ दुई कर्मचारी कार्यरत छन्। त्रिवेणी भन्सार कार्यालय गण्डक प्रदेश र भारतीयय सिमाना जोडिएको एक मात्र भन्सार नाकाका रुपमा मानिन्छ।  यसबाहेक पश्चिम नवलपरासी प्रसौनी, भुजहवा र विष्णुपुरा छोटी भन्सार कार्यालय पनि महेशपुर मूल भन्सार कार्यालयअन्तर्गत पर्द। ती छोटी भन्सार कार्यालयबाट राजश्व सङ्कलको काम हुँदैन। ती छोटी भन्सार कार्यालयमा भारतीय बजारबाट नेपाल नजीकको बजार आउने सवारी सधानका लागि अस्थायी अनुमतिपत्र दिने मात्र काम हुन्छ। ती कार्यालयलाई राजश्व सङ्कलनको अनुमति प्राप्त छैन। पश्चिम नवलपरासीको महेशपुर मूल भन्सार कार्यालयलाई मात्र राजश्व सङ्कलन गर्ने अधिकार छ।

Comments

राजेन्द्र पराजुली